Balay sang mag-asawa nga senior citizen sa Dumalag, nasunog

ROXAS CITY – Nagdangat sa kapin P35,000 ang nangin kahalitan sang sunog nga nagluntad sa puloy-an sang mag-asawa nga senior citizen sa Consolacion Proper, banwa sang Dumalag.

Ginkilala ang tagbalay kay Carlos Fetalino Sr., 75-anyos, nga residente sang nasambit nga balay.

Sa impormasyon nagikan sa BFP-Dumalag, nga madasig nga gintupok sang kalayo ang nasambit nga balay nga human sa mixed light materials.

Ginpahayag nga posible nagikan ang kalayo sa kusina sang amu nga balay, bangud pagkatapos luto, nagbiya ang mga ini sa ila puloy-an.

Nahibaluan nga kahoy ang gingamit sa nasambit nga pagluto.

Nagapadayon sa karon ang imbestigasyon sang mga bumbero sa gintunaan sang kalayo.