Bangud sa pagkutaw-kutaw, sekyu ginpatay sang kaangay nga sekyu

KAWIT, CAVITE — Patay ang isa ka security guard matapos ginluthang sang kaangay niya nga sekyu bangud sang ginapahayag pagkutaw-kutaw sa iya.

Sandig sa isa ka report, natabo ang insidente samtang dungan sila nga naka-duty sa munisipyo. Ginsundan sang suspek ang biktima kag ginluthang sa ulo.

Ginpadangat pa sa ospital ang biktima apang wala na ini makasalbar pa.

Gilayon naman nga gindakop ang suspek, nga pabalik-balik sa pag-esplikar nga makapila siya ka beses nga ginakutaw-kutaw kag ginapakahuy-an sang biktima.

Natalana naman nga magpasaka sang kaso nga murder ang pamilya sang biktima sa suspek, samtang nagalikaw pa nga maghatag sang pahayag ang asawa sang biktima.