ROXAS CITY – Ginpaidalom na sa state of calamity ang banwa sang Tapaz, bangud sa epekto nga dala sang El Niño phenomenon.
Sa interview sang Bombo Radyo Roxas kay Hon. Roberto Palomar, alkalde sang nasambit nga banwa, ginpahayag sini nga bangud sa daku nga halit sa agrikultura kag pila ka mga residente tuga sang tuman nga ka init sa ila banwa, nadesisyonan nila nga ideklarar ang state of calamity pinaagi sa resolution no. 22-236 series of 2024 nga ginpasa sang Sangguniang Bayan sadtong Abril 22, 2024.
Dugang pa sang Alkalde, plano nila nga maghatag sang bulig sa mga naapektuhan nga mangunguma kag ayuda para naman sa mga pamilya nga apektado sang nasambit nga kalamidad nagikan sa ila nga calamity fund.
Nahibaluan nga naglab-ot sa 40% sang ila nga agricultural crops ang nahalitan, 15.3% sa forest trees kag 81.15% naman sa mga households.
Ginpanugyanan man ni Mayor Palomar ang mga pumuluyo nga maghalong kag amligan gid ang lawas kay wala pa natapos ang tag-ilinit.
