DUMALAG, CAPIZ – Nag-angkon sang pilas sa nawala nga kamot ang isa ka barangay kagawad sang Barangay Sto. Niño, Dumalag, Capiz matapos aksidente nga maigo sang talibong sa iya pagtambag sa duha ka naga-away.
Ginkilala ang biktima nga si Dennis Lusaya 29-anyos kag ang ginatudlo suspek amo si Renio Denosta sang amo nga lugar.
Sandig sa imbestigasyon sang Dumalag Municipal Police Station nga nagtambag ang biktima kay Denosta kag Randy Geronda nga nag-angkon sang indi pag-intiendihanay.
Nagpauli ang suspek, apang liwat nga nagbalik kag gingubat si Geronda.
Liwat nga nagtambag ang biktima sa duha ka naga-away, apang aksidente ini nga nawaslikan sang talibong nga gina-uyatan ni Denosta.
Gindapatan sang pagbulong ang naangkon nga samad sa kamot sang biktima samtang gindakup sang mga barangay tanod ang suspek nga karon nakahunong na sa karsel sang Dumalag PNP. Samtang desidido si Kagawad Lusaya nga pasakaan sang reklamo si Denosta
