Ginatudlo sang Freedom Flotilla Coalition group nga ang Israel ang responsable sa pag-atake sang drone sa ila barko nga magadala kuntani sang pagkaon sa Gaza.
Ginpahayag sang grupo nga naigo sang drone ang ila barko sa international waters sa idalom sang hurisdiksyon sang Malta.
Nahalitan ang ila barko nga The Conscience samtang safe naman ang mga pasahero sini.
Wala sang may narekord nga napatay ang gobyerno sang Malta bangud safe ang mga pasahero sini.
Kaupod man sa nasambit nga barko ang kilala nga aktibista nga si Greta Thunberg.
May kabug-usan nga 12 ka mga crew kag 30 ka mga aktibista ang sakay sang barko.
Plano sang NGO nga ipatawag ang mga embahador sang Israel agud manabat sila sa paglapas sa internasyonal nga kasuguan kag sa ilegal nga pagbalabag.
