-- ADVERTISEMENT --
Ginsiguro naman ni US President Joe Biden ang gilayon nga bulig nga ginhatag sang Federal Government sa mga lugar nga ginsalanta sang hurricane Helene.
Ginpahayag sini nga iya naka-istorya na ang mga gobernador sang Florida, Georgia kag North Carolina kun sa doon magabisita ini sa mga masunod nga adlaw.
Iya ihinyo sa kongreso nga magbalik sila para sa special sessions kag sang maipasa ang supplemental funding package para sa mga apektado nga lugar.
Matandaan nga magalab-ot na sa 100 katawo ang napatay kag yara sa 600 ang nadula sa pagpanalasa sang hurricane Helene.
