Nalampasan na sang Bureau of Internal Revenue (BIR) ang target nga P2.3 billion nga koleksyon sa una nga duha ka bulan sang tuig.
Ang koleksyon humalin Enero tubtub Pebrero naglab-ot sa P530.06 bilyon, halos 3 percent nga mas mataas sang nagligad nga tuig kag katumbas sa 100.43% sang target sang ahensya.
Suno sa BIR, ini bangud sa mas ginpabaskog nga pagkolekta sang buwis kag mas hugot nga pagpatuman sang mga polisa, nga nagresulta sa mas madamo nga taxpayers nga nagasunod.
Ginakabig man ini nga recovery gikan sa 2025 kun sa diin wala nalab-ot ang collection target.
Target sang BIR nga makakolekta sang P3.579 trillion sa tuig 2026, lakip na ang revenue halin sa digital services tax.
Apang, may yara sang mga pagpanghangkat kaangay sang pagtaas sang presyo sang langis bangud sang tensyon sa Middle East kag ang plano nga pagsuspinde sang buwis sa gatong, nga mahimo makapanubo sang kita sang gobyerno sang tubtob P136 bilyones.
