Nagpositibo ang blood sample gikan sa Barangay San Nicolas, Talisay sa Bird Flu ukon Highly Pathogenic Avian Influenza.
Suno sa Bureau of Animal Industry (BAI), ang sample ang gikan sa isa ka itikan sa nasambit nga banwa.
Ang mga ahensya sang gobyerno kasubong sang PDRRMO, DOH kag gobyerno lokal sang Talisay ang nagbulig-bulig agud matapna ang paglapta sang balatian.
Nahibaluan nga ang Bird Flu, isa ka viral disease nga posible nga makahawa sa tawo, rason nga ginapanugyanan ang tanan nga maghalong.
Dapat suno nga ipahibalo gilayon sa mga otoridad ang anuman nga indi pangkaraniwan nga pagkapatay ukon pagkasakit sang pispis.
Safe naman gihapon magkaon sang karne sang manok basta ini ang nagikan sa lehitimo nga tindahan kag ginkatay sa poultry dressing plant.
Ginpanugyanan naman ang publiko nga likawan nga magpalapta sang indi berepikado nga impormasyon agud malikawan ang kahadlok kag pagakabalak-an sang publiko.
