Gintay-og sang 4.5 magnitude nga linog ang probinsya sang Camarines Norte kag Camarines Sur las 7:11 subong nga gab-I.
May magnitude ini nga 4.5 kag may kadalumon nga 62 kilometros kag ang epicenter sini nahamtang sa 13.90°N, 123.72°E, nga 2 kilometros north-northeast (N 50° E) sang banwa sang Garchitorena, Camarines Sur.
Ang ginreport nga Instrumental Intensity amo ang slight shaking sa Daet kag Jose Panganiban sa Camarines Norte.
Nagakahulugan ini nga tuman ka huyang ang linog kag pila lamang ka tawo ang makabatyag ilabi na sa mga matag-as nga building apang wala ini sang may natuga nga kahalitan.
Ang ini nga sahi sang linog wala ginalauman nga makatuga sang dalagku nga epekto, apang suno sa Phivolcs importante nga padayon nga maghalong kag magsunod sa mga paandam sang mga otoridad angot sa posible aftershocks ukon iban pa nga epekto sang paghulag sang duta.
