ROXAS CITY – Ginsuguran na sang task force nga gintukod sang Capiz Police Provincial Office ang operasyon batuk sa illegal gambling sa probinsiya.
Tinutuyo sang ”One Strike No Take Policy sang gintukod nga Provincial Anti-Illegal Gambling Operations Task Group-Sikop teams Alpha, Bravo kag Charlie nga mangin gambling free ang Capiz.
Sa idalum sang nasambit nga polisiya masipa sa pwesto ang hepe sang pulisya sa mga munisipalidad nga una nga nagdeklara nga gambling-free ang banwa apang napamatud-an nga padayun ang operasyon sang iligal nga sugal sa lugar.
Kun mismo ang Police Regional Office ang magpatigayon sang tatlo ka madinalag-on nga operasyon gilayon nga sipaon sa pwesto ang provincial director.
Sa idalum sang laye, ang sin-o man nga magalapas diri ang may nagakaigo nga penalidad nga pagaatubangon.
