ROXAS CITY -Wala nagalaum ang isa ka Capizeña nga malakip sa Top 10 sa ginpatigayon nga
Graduation Ceremony sang Philippine National Police Academy (PNPA) Mandayug Class 2020.
Ginpahayag ni Jail Inspector Jerelyn Barua, residente sang Barangay Bitoon-Ilawod Cuartero, Capiz, tuman ka budlay ang mga na-agyan sini nga mga pagtilaw bangud masami nakabatyag sang pagkaluya sang lawas samtang yara sa sulod sang akademya.
Apang nangin-inspirasyon sini ang mga ginikanan kag mga abyan rason nga nagtinguha ini nga makatapos.
Gindugang pa ni Barua nga wala sini ginalauman nga malakip sa Top 10 bangud
tuman ka budlay ang pagtuon sa PNPA.
Samtang ginahalad naman ni Barua ang kadalag-an sini sa iya mga ginikanan.
Mahibaluan nga si Jail Inspector Barua ang nagtapos sa West Visayas State University (WVSU) sa siyudad sang Iloilo kag natapos nga Top 5 sa ginpatigayon nga graduation ceremony sang nasambit nga akademiya.
