ROXAS CITY – Sunog ang nawala nga porsyon sang tiil sang 35-anyos nga nagabantay sang poultry matapos naigo sang kilat sa Sityo Guba, Barangay Conciencia, Panit-an, Capiz.
Ginkilala ang biktima nga si Wilfredo Javier sang nasambit nga lugar.
Sa inisyal nga imbestigasyon sang Panit-an Municipal Police Station, nagakatulog ang biktima kaupod ang utod nga si Jeffrey Javier sa isa payag sang nabatian ang mabaskog nga pagsigabong.
Kasunod sini nakita na lamang ni Jeffrey nga duguon na ang nawala nga tiil sang utod kag gilayon nga nagpangayo sang bulig kay Ernie Delfin, apang naalang alangan sila matapos nga kulang ang krudo sa iya nga salakyan.
Bangud diri nagpadulong na lamang sila sa Panit-an PNP nga amo ang nagbulig sa ila sa pagdala sa biktima sa ospital.
