Caretaker sang poultry farm, patay matapos maaksidente sa ginamaneho nga motorsiklo sa Sapian, Capiz

SAPIAN, CAPIZ – Patay ang isa ka caretaker sang poultry farm matapos maaksidente ng ginamaneho sini nga motorsiklo sa Barangay Bilao, Sapian, Capiz.

Ang biktima amo si Robert Omemaga, 28, residente sang Sitio Culasi, Brgy Lonoy sa nasambit nga banwa.

Sa impormasyon nga nakuha sang Bombo Radyo sa Sapian Municipal Police Station, samtang nagamaneho sang motorsiklo si Omemaga halin sa Barangay Bilao pakadto Barangay Poblacion, nakaasidente ini sa dalan.

Nakaangkon sang pilas sa ulo kag sa nagkalain-lain nga bahin sang lawas ang biktima kag gintinguhaan pa nga madala sa ospital apang gindeklara nga dead on arrival.