Ginganyat sang Catholic Bishops Conference of the Philippines (CBCP) ang mga tumuluong Katoliko nga likawan ang mga indi maayo nga buluhaton sa tion sang Santos nga Misa.
Sa isa ka mensahe, ginsiling ni Lingayen-Dagupan Archbishop Socrates Villegas nga ang nakagamnan nga pagpalakpak, sa tunga sang misa ukon pagtakop sang selebrasyon, mahimo nga magresulta sang pagkadula sang pokus kag importansya sang misa.
Kinahanglan suno diri nga repasuhon sang simbahan ang nasambit nga practice kag giyaan ang mga tumuluo sa kinahanglan nila nga himuon.
Mahibaluan nga ginhalimbawa ni Arch. Villegas ang pila ka bahin sang misa kaangay sang ‘breaking of the Bread’ bilang seryoso nga pagdumdum sa kabudlay nga naagyan Hesu-Kristo antes napatay.
Pahayag sang Arsobispo, indi kinahanglan nga magpalakpak samtang ang iban nagakabudlay kag nagakasubo.
Ginganyat man sini ang mga pari nga likawan nga magamit sang ‘applause’ agud mapabilin nga bugtaw ang mga tumuluo.
Samtang, ginhatagan man sini sang pagtamod ang malip-ot, inspiring, kag maayo nga ginapreparar nga homily ang bastante.
