JAMINDAN, CAPIZ – Pormal na nga ginturn-over ni outgoing commander Maj. Gen. Dino Dolina kay incoming commander Brig. Gen. Eric Vinoya ang full command sang 3rd Infantry Battalion Spearhead Division sa ginpatigayon nga change of command ceremony sa Camp Macario Peralta Jr., sa banwa sang Jamindan, Capiz.
Ang nasambit nga seremonya ang ginpangunahan ni Lt. Gen. Macario . Alberto, commanding general sang Armed Forces of the Philippines nga gintambungan sang mga matag-as nga opisyal sang AFP kag Philippine National Police, mga anay commander sang 3ID, mga opisyales sang gobyerno kag nagkalain-lain nga ahensya sang gobyerno.
Nagtambong man sa amo nga kahiwatan si Jamindan Mayor Mac Arthur Valdemar kag Tapaz Mayor Roberto Nonong Palomar.
Yara man ang presensya sang mga Sangguniang Panlalawigan (SP) members nga ginpangunahan ni Vice Governor Jaime Magbanua.
Kalakip man sa mga natambong amo sanday Capiz PPO Provincial Director Col. Canilo Fuenetes, PRO-6 Administrator Col. Remus Zacharias Canieso, OCD-Regional Director Roberto Bobby Nuñez kag iban pa.
Mahibaluan nga magatal-us si Vinoya sa posisyon sang maga-retiro nga si Dolina.
Si Dolina ang nagserbisyo bilang commander sang 3ID sa sulod sang duha ka tuig humalin Disyembre 2017 tubtob Nobyembre 12, 2019.
Ginpasalig sang bag-o nga commander sang 3ID nga padayunon ang gin-umpisahan sang ginbuslan sini nga si Dolina.
Ginpahayag sini nga may mga igadugang pa ini nga plano agud mapasangkad ang kampanya sa pagpapas sa mga rebelde.
Kadungan sini nagpanawagan ang opisyal sa mga katapu sang Communist Party of the Philippines-New Peoples Army (CPP-NPA) nga magbalik na sa sabak sang gobyerno agud makaangkon sang mga benepisyo sa idalom sang Enhanced Comprehensive Local Integration Program (E-CLIP).
Luyag ni Vinoya nga dalayon na nga mahilway sa mga rebelde ang Negros kag isla sang Panay.
