Naghatag ang China sang mga donasyon nga relief goods para sa mga biktima sang makusog nga linog nga nag-igo sa Davao Oriental.
Gin turn-over sang Chinese Consulate General sa Davao ang P4M nga balor sang relief goods nga ginbaton man ni Governor Nelson Dayanghirang halin kay Chinese Deputy Consul General Wang Mingqing sa Provincial Capitol Gym sa siyudad sang Mati.
Suno sa Chinese official, nagalaom sila nga mabuligan sini ang mga pumuluyo sang Davao Oriental nga makabangon halin sa kalamidad kag nagpahayag sang paghiusa sa mga naapektuhan sang linog.
Apat ka trucks sang relief aid ang ginpadala sa Incident Command Post nga ginakalakipan sang emergency food supplies, kalakip ang bugas kag canned beef.
Ginpasakamot man sang mga tiglawas sang Association of Davao Fil-Chinese Communities ang dugang nga P700,000 nga balor sang relief assistance.
Suno sa provincial government, masobra 170,000 ka mga pamilya na sa probinsiya ang naapektuhan sang doublet earthquake.
