Nasiplatan sang Philippine Navy (PH Navy) ang isa pa ka Chinese flagged fishing vessel sa nasidlangan nga bahin sang Pag-asa Island sa sulod sang Kalayaan Group of Islands sa West Philippine Sea pasado las 3:00 sang hapon sang Sabado.
Suno kay Public Affairs Officer sang Western Naval Command Capt Ellaine Rose Collado, ang mga residente kag mangingisda gikan sa sini nga bahin sang Pag-asa Island mismo ang nakakita sang na-stranded nga sakayan pandagat, nga suno sa iya kaangay sang nakita nga Chinese maritime militia.
Gilayon nga ginpadala sang Philippine Coast Guard (PCG) ang ila mga tinawo sa kadagatan agud kumpirmahon ang ila presensya samtang gilayon man nga gin-alerto ang Armed Forces of the Philippines (AFP) para sa posible nga bulig nga mahimo kinahanglanon sang mga tinawo sang PCG.
Suno kay Collado, natigayon nga mapalapitan sang PCG ang nahamtangan sang sakayan pandagat kag ginkumpirmar nga nagbunggo ang barko sa manabaw nga bahin sang Pag-asa Island, nga boluntaryo sini nga ginbayaan.
Samtang, ginkumpirmar ni Collado nga handa ang AFP nga magpadala sang ila mga tinawo para sa posible maritime emergency.
Sa karon, ginalantaw sang PH Navy kun posible bangud man sa gihapon sang malain nga panahon ang rason sang pag-run sang barko.
