ROXAS CITY -Ginpanindugan ni City Councilor John Paul Arcenas nga wala sang may nakita nga problema ang Sangguniang Panlungsod natuhoy sa plano nga operasyon sang ‘E-bulang’ ukon online-bulang sa siyudad sang Roxas.
Kasunod ini sa pag-aprubar sang konseho sang City Ordinance No. 009-2020 ukon Ordinance Granting Franchise to United Association of Cockpit Owners and Operators of the Philippines, Incorporated to Broadcast and Data Streamed Cockfighting Activities and Derbies at Commercial Establishments and to Establish, Operate, and Maintain Off-site Cockpit Betting Station within the City of Roxas.
Ginpahayag ni Arcenas nga wala sang may nakita nga problema ang konseho sa mga legal nga dokumento nga ginpresentar sang nasambit nga asosasyon natuhoy sa operasyon sang ‘E-bulang’ ukon online-bulang.
Magluwas dri, nakita man sang konseho sang siyudad nga otorisado sang Games and Amusement Board (GAB) ang operasyon sini.
Samtang nahangpan ni Arcenas ang pagkwestiyon sang Sangguniang Panlalawigan sa ginpapasar nga ordinansa sang siyudad natuhoy sa pag-grant sang franchise sang ‘E-bulang’ ukon online bulang.
Suno kay Arcenas nga wala man sang nakita nga problema ang Sangguniang Panlalawigan natuhoy sa operasyon sang online bulang magluwas gid lamang sa ginakahangaw-an nga pagsulod kag pagtaya sang mga menor de edad.
