ROXAS CITY -Ginkompirmar ni City Councilor Moreno “Moring” Gonzaga nga “oil spill” ang gintunaan sang fish kill sa mga fish cages sa Cadimahan River sa Barangay Culasi, Roxas City.
Sa interview sang Bombo Radyo kay Gonzaga ginpahayag sini nga nagpatigayon ini sang imbestigasyon sa nasambit nga suba kun sa diin nakompirmar sini nga oil spill ang gintunaan sang fish kill sa nasambit nga fish cages.
Suno kay Gonzaga nga masami nagalimas sang tubig ang mga sakayan nga nagadungka sa nasambit nga suba kun sa diin may yara ini sang lakot nga oil nga ginahaboy sa suba.
Bangud diri, plano sang konsehal nga ipatawag ang mga tag-iya sang nasambit nga mga sakayan.
Aminado si Gonzaga nga posible wala sang ihibalo ang mga tripulante sang sakayan nga nagalimas sang tubig nga makaapekto ini sa mga fish cages.
Gilayon naman ginpalab-ot ni Gonzaga ang natukiban sini kay City Councilor Jericho Celino agud makadihon sang ordinansa nga hatagan sang penalidad ang sin-o man nga magahalit sa suba.
Nag-apelar naman si Gonzaga sa mga residente nga malapit sa suba nga kun mahimo likawan ang paghaboy sang mga basura
