ROXAS CITY -Ginpatpat sang pamunuan sang City Engineer’s Office ang mga rekisitos nga kinahanglan i-comply sang isa ka contractor nga nag-apply sang construction permit sa City Government.
Sa interview sang Bombo Radyo kay City Engineer Noel Laminares nga kalakip sa mga rekisitos nga dapat i-comply sang isa ka contractor sandig sa City Ordinance No. 46-2016 amo ang Plan and Specification, Program of Works, Project Cost, numero kag address sang Project Engineer, Project Manager on site, ukon Field Officer, certification gikan sa DOLE kag barangay clearance.
Kalakip man sa mga rekisitos ang pagpahamtang sang mga early warning devices nga nagasunod sa requirement sandig sa nasambit nga ordinansa.
Apang gin-athag ni Laminares nga indi garantiya nga kun macomply na sang contractor ang mga rekisitos, hatagan na ini sang construction permit.
Ginpahayag ni Laminares nga yara sa Sangguniang Panlungsod ang pag-aprubar sa nasambit nga construction permit.
