Ginpaburan sang Commission on Elections ang hinyo sang kampo ni dismissed Bamban, Tarlac Mayor Alice Guo nga hatagan sila sang bastante nga panahon para makafile sang counter-affidavit bilang paghatag pagtamud sa ginfile nga subpoena batuk sa anay alkalde.
Suno kay Commission on Elections chair George Erwin Garcia,ini ang isa sa kaso nga kriminal rason nga indi sila gusto nga mangin hugot sa respondents.
Ginklaru man sini nga pananglitan magpangayo liwat sang extension ang kampo ni Guo ang imposible na ini nga hatagan sang poll body.
Kun matandaan, nagfile sang request ang legal counsel ni Guo nga si Atty. Stephen David sadtong nakaligad nga semana.
Ginhinyo sang kampo ni Guo ang napulo ka adlaw nga extension para makafile sila sang counter-affidavit.
Una na sini amo ang ginfile sang comelec nga subpoena batuk kay Alice Guo sadtong August 13 nga may kaangtanan sa material misrepresentation mha ginfile batuk sa iya.
