Indi pa sa subong makahatag sang sabat ang Comelec sa pag-file sang iya Certificate of Candidacy sa pagka-alkalde sa banwa sang Pres. Roxas apisar nga yara na ini sa ikatatlo nga termino bilang alkalde.
Sa interview sang Bombo Radyo kay Atty.Wil Arceno Asst. Regional Director sang Comelec, ila sa gihapon batunon ang iya nga COC kun kumpleto ang mga dokumento kag hulaton ang maga-file sang reklamo nga ipadiskwalipika ini.
Suno kay Arceno nga maga magaagi sa proseso sang legal department ang status ni Escolin gani sa karon indi pa ini makasabat kun pwede ukon indi ang ginhimo sini nga pag-file.
Dugang pa sini nga may ara sang kasubong sini nga kaso sa Antique matapos mapreso kag wala makumpleto ang termino sang nagpungko nga Mayor.
Matandaan nga si Mayor Receliste Escolin ang nasuspendir sang tatlo ka bulan sang Pebrero kag nakabalik sang Mayo 13, 2024.
