Ginsuguran na sang Commission on Election (COMELEC) ang pagpanghatag sang honoraria sang mga manunudlo nga nagserbisyo sa Mayo 12 nga eleksyon.
Ginpahayag ni COMELEC Spox Atty George Erwin Garcia nga nagsugod na ang komisyon sa pagpanagtag sang honoraria sang mga manunudlo nga nagserbisyo sa eleksyon. Suno sa iya, nagakadapat nga magkadto ang mga manunudlo sa ila tagsa ka election officers agud mas temprano nila ini nga makuha.
Suno sa Election Service Reform Act, kinahanglan nga ihatag sang poll body ang honoraria mga 15 ka adlaw pagkatapos sang eleksyon.
Ang karon nga honoraria sang mga manunudlo nagalab-ot sa 9,000 tubtob 12,000. Mas mataas ini kon ipaanggid sa nabaton sang mga manunudlo sang nagligad nga eleksyon
Kaangot sini, ginpahayag man sang komisyon nga wala sila sang may nabaton nga report halin sa local COMELECs sang mga manunudlo nga naka-eksperyensya sang kalakasan sa adlaw sang eleksyon.
