Nagtukod sang taskforce ang Commission on Election (COMELEC) agud imbestigahan ang paghabok sang numero sang mga nagaparehistro nga botante sa nagkalain-lain nga bahin sang pungsod.
Suno kay COMELEC chairman George Garcia, nga ila na nga gina-imbestigahan ang pila ka mga lugar nga may pagtaas sang mga
nagaparehistro para sa 2025 Local and National Election.
Ginpaanggid sini ang pila ka mga lugar sa Mindanao nga nakapagkit sang 40 porsyento nga pagtaas sang mga nagaparehistro nga botante.
Isa sa mga nakit-an sini amu ang pag-abuso sa paggamit sang barangay certificate bangud suno diri nga sadto anay kinahanglan nga magdala sang valid ID ang mga magaparehistro apang ginkontra ini sang Korte Suprema kag ginsiling nga mahimo man ang barangay certificate para sa pagparehistro.
Samtang, nagalaum man ini nga mapadasig ang himuon nga imbestigasyon agud mateskyar ang mga listahan sang botante tubtob sa katapusan sang tuig.
