ROXAS CITY – Pormal na nga gin-turn over ni Capiz 1st District Congressman Emmanuel “Tawi” Billones ang social services program documents sa anak ni anay DILG Sec. Mar Roxas nga si Mr. Paolo Roxas.
Sa ginpatigayon nga press conference kahapon, Hunyo 13 sa Gerry Roxas Foundation Training and Convention Center, Barangay Dayao, Roxas City, pormal na nga gin-turn over sang kongresista kay Paolo Roxas ang social services program documents sini.
Suno kay Cong. Billones nga nagapati siya sa kapasidad kag handom ni Paolo nga makabulig sa mga pumuluyo sang 1st district.
Matandaan sa ginpatigayon nga press conference sang kongresista sang Lunes, Hunyo 10, gin-anunsyo sini ang pagpahamtang kay Paolo bilang focal person sa tanan nga social services program sang iya talatapan.
Ginahinyo naman ni Billones sa mga taga-1st district nga suportahan si Paolo Roxas.
