ROXAS CITY – Ginkumpirma sang kongresista sa premier distrito sang probinsiya sang Capiz nga tunga sila nga 12 ka mga Liberal party congressmen sa nahamut-an para kuntani sa magapungko nga House speaker sa palaabuton nga 18th Congress.
Ginpahayag ni Congressman Emmanuel Billones Sr., pabor ini nga si Marinduque Congressman Lord Alan Velasco ang magpungko bilang bag-o nga Speaker of the House bangud magluwas nga bataon kag progresibo, makaangkon sila sang maayo nga koneksyon kay sigurado nga may proyekto nga mabaton ang probinsiya sa liderato sini.
Suno sa kongresista nga nadesisyunan nila nga mag-upod na lamang sa majority bloc bangud nakita sang partido, kun yara sila sa mayorya may yara sang sigurado nga proyekto ang ila tagsa ka distrito kag indi ini mabuhinan sa baylo, madugangan lamang.
Aminado man si Billones nga kinahanglan magsuporta sila sa majority bloc agud may madala nga proyekto sa nasakupan nga distrito.
Samtang nagapati ini nga sa pagpungko ni Taguig-Pateros district Representative Alan Peter Cayetano madamo naman sang bag-o nga pagsulundan kag hagna sa sa kongreso.
