MAAYON CAPIZ – Pilas sa wala nga tiyan kag tuo nga bahin sang ilok ang naangkon sang isa ka construction worker, matapod ginapahayag nga ginbuno sang isa ka mangunguma sa Barangay Canapi-an, Maayon, Capiz.
Ginkilala ang biktima kay Edward Doblas, 36-anyos samtang ang ginatudlo suspek ang ginkilala kay Lemuel Dator, 40-anyos lunsay mga residente sang nasambit nga lugar.
Sa impormasyon nga nakuha sang Bombo Radyo nagikan sa Maayon Municipal Police Station, ginapahayag nga sang natabo ang insidente samtang nagakinasadya ang biktima kag ginapa-andar sini ang motorsiklo hinali lamang nga ginbuno sang biktima ang suspek.
Suno diri, matapos ang insidente gilayon nga nagpangayo sang bulig ang biktima sa iya mga himata kag ginpadangat sa Bailan District Hospital, Pontevedra para sa nagakaigo nga pagbulong.
Samtang, madasig naman nga nagpalagyo ang suspek sa lugar.
Sa karun padayon ang hot pursuit operation sang mga kapulisan batuk sa nasambit nga suspetsado.
