ROXAS CITY – Pabor si Atty. Nelson Borja sa resolusyon nga ginpagguwa sang Comelec First Division angut sa disqualification case kay anay senador kag presidential candidate Ferdinand ‘Bongbong’ Marcos Jr.
Sa interview sang Bombo Radyo kay Atty. Borja , ginpahayag sini nga wala sang legal ground agud iga-diskwalipika ang pagpadalagan ni Marcos sa pagkapresidente kag tama ang nangin desisyon sang komisyon.
Apang, suno kay Atty. Borja nga wala sini naluyagan ang pahayag ni Commissioner Aimee Ferolino nga wala sang layi nga gahatag sang silot sa mga wala makabayad sang Income Tax Return (ITR).
Dugang pa sang abogado nga ang ginabasehan gid lamang sang mga petisyoner amu ang kaso nga yara sa Regional Trial Court sa Quezon City nga si convicted si Marcos.Apang, suno diri wala sang salabton si Marcos Jr. nga kriminal nga kaso bangud gin-absuwelto ini sang Court of Appeals sa penalty nga imprisonment kag ginsilutan na lang nga magbayad sang interes kag penalidad.
Gintuad man sini nga wala napamatud-an nga guilty si Marcos involving in moral turpitude.
