ROXAS CITY – Nagapadayon ang assessment sang Department of Agriculture (DA) kag Department of Environment and Natural Resources (DENR) sa halit nga ginbilin ni bagyong Odette sa probinsya.
Ini ang ginpahayag ni Provincial Agriculturist Sylvia Dela Cruz kag Mr. Joel Navarra, OIC sang DENR-Capiz, sang napakig-angutan sang Bombo Radyo.
Samtang, sa bahin sang Department of Public Works and Highways (DPWH), ginpahayag ni Engr. Julius Abela nga wala man nakarekord ang ila talatapan sang mga nagkalaguba nga edipisyo ukon imprastraktura bangud sa nasambit nga bagyo.
Matandaan nga ginakabig nga pinakamabaskog nga bagyo si Typhoon Odette sa bilog nga tuig 2021 kun sa diin nagbilin ini sang dako nga halit sa imprastraktura kag agrikultura.
Nahibaluan nga may pila ka mga kabanwahanan sa probinsya ang ginlubog sang tubig-baha antes paman ang paglabay ni bagyong Odette.
Ginalauman man sang DA nga may mabalhag nga kahalitan sa agrikultura apang indi tuman ka dako ikumparar sa nagligad nga kapiyerdehan.
