DA, magatutok sa pagpataas sang produksyon sang sili agud malikawan ang pagsaka sang presyo sa merkado

Target subong sang pamunuan sang Department of Agriculture nga madugangan ang produksyon sang sili sa pungsod.

Ang ini nga tikang nagatuyo nga mapauntat ang padayon nga pagsaka sang presyo sa merkado.

Suno kay DA Secretary Francisco Tiu Laurel Jr., plano sang ahensya nga i-stabilize ang pagtanom sang sili sa Pilipinas batok sa pagbag-o sang klima nga naga-apekto sa produksyon sini.

Aminado ang tiglikom nga nagataas ang presyo sang sili kun may yara sang kalamidad ukon mabaskog nga ulan.

Ini naman ang naga-apekto sa supply sang sili, nga nagatuga sang pagtaas sang ila presyo sa mga merkado.

Madumduman, sang nagligad nga tuig, ang presyo sang isa ka kilo sang sili nagsaka sa ₱800 bangod sang sunodsunod nga mga kalamidad.