Nag-alokar sang P10 milyones nga pondo ang Department of Agriculture (DA) sa pagtinguha sini nga madula ang nagapadayon nga kahalitan sang peste nga red striped soft scale insects (RSSI) sa mga plantasyon sang kalamay sa Negros Island Region, Iloilo kag iban pa nga bahin sang Western Visayas.
Suno sa DA, masobra 500 ka ektarya sang kalamay sa Negros kag Panay Island ang apektado sang peste.
Humalin sang nagsalakay ang mga peste, indi lamang ang mga talamnan sang tubo ang ginhalitan sini kundi pati na ang mga talamnan sang mais sa mga probinsya.
Magluwas sa mga nagligad nga pesticide sprayings nga ginpatigayon sang DA subong nga semana, nag-alokar sang P10 million ang ahensya para sa dugang nga pestisidyo nga gamiton batok sa RSSI.
Suno sa Sugar Regulatory Administration (SRA), dako ini nga bulig agud nga amat-amat na nga makabangon ang mga pananom sa rehiyon. Suno sa lokal nga mga opisyal sang SRA, ang ulan nagabulig man sa pagdula sang RSSI.
Magluwas sa pag-spray sang mga apektado nga pananom, nagapatigayon man sang quarantine ang DA kag SRA sa pagtanom sang kalamay.
Sa Hunyo 2 nga report sang SRA, ginpahayag sini nga ginabanta 294 ka mga sugar planters sa 16 ka mga banwa kag syudad sa Negros kag Panay ang grabe nga apektado sang RSSI infestation nga apektado sang RSSI infestation.
