Wala ginapabay-an kag gilayun nga gina-aksyunan sang konseho sa Barangay Cogon Panay ang reklamo sang mga motorista sa trapik nga ginadulot sang ginapakaayo nga dalan sa nasambit nga banwa.
Sa interview sang Bombo Radyo kay Punung Barangay Ariel Basilonia nga siya mismo ang nagserbi nga traficman sang nakabaton ini sang panawag sa sitwasyun sang trapiko sa ginaubra nga dalan, para indi ini magsugat-anay ang mga salakyan.
Suno pa ky Basilonia nga sang una iya mga pumuluyo kag bpat ang nagabantay sa dalagan sang trapiko apang wala man ini nagdugay bangud may mga trabaho man sila nga dapat unahun.
Dugang pa ni Basilonia nga indi matuod nga nagpangayo ini sang streetlight sa contractor para lang tawohan ang amu nga proyekto.
Ginapahayag pa sini nga mapawa ang amu nga dalan sa tion sang gab e, bangud may yara sang mga nakabutang nga streetlights.
Samtang, wala naman sila ihibalo nga ginkawat ang ginpahamtang nga solar lights sang Contractor, kag wala ini makaparecord sa ila barangay.
Nagpasalig naman si Basilonia nga indi na masulit pa ang amu nga problema kag sila nga barangay opisyal ang magahatag sang ila nga kooperasyon tubtub nga matapus ang amo nga proyekto,
Nahibaluan nga ang proyekto ang nagsugod sa bulan sang Mayo kag ginapahayag matapus ini sa bulan sang Setyembre nga may budget sang masobra P9 million.
