Debris sang rocket halin sa China mahimu nga magtupa sa tunga sang Palawan kag Basilan

Nagapati ang Philippine Space Agency (PhilSA) nga ang debris halin sa Chinese rocket ang magatupa sa tunga sang Palawan kag Basilan.

Ang Long March 8A rocket ang ginlunsyar sang China sa Wenchang Spacecraft Launch Site sa Wenchang, Hainan takna alas-5:30 sang hapon.

Dugang pa sang PhilSA nga indi pa nila sigurado kun magatupa sa kadagatan ukon patag ang debris apang ini ang magtuga sang peligro sa mga barko, eroplano ukon mga sakayang pandagat nga agyan sini.

Ginpaandaman man nila ang publiko nga pananglitan makakita sang debris halin sa rockets nga indi ini pagtandugon bangud posible may yara ini sang toxic substance kasubong sang rocket fuel.