Plano sang defense team ni anay Presidente Rodrigo Duterte nga i-apelar ang paghilway sa anay Presidente.
Ini matapos ginbasura sang International Criminal Court (ICC) Appeals Chamber pinaagi sa unanimous decision ang request para sa temporaryo nga kahilwayan sang anay Presidente.
Suno sa lead counsel ni anay Presidente Duterte nga si Nicholas Kaufman, ginahulat nila sa karun ang resulta sang medical evaluation ni Duterte nga natalana nga ipaguwa sa Disyembre.
Ang nasambit nga medical evaluation ang magausisa sang pisikal kag cognitive nga kondisyon sang anay Presidente.
Nagpanindugan naman ang depensa nga indi makabig nga “flight risk” ang anay president kag wala nagahatag sang pamahog sa mga testigo bangud sang iya nagalala nga ikaayong lawas.
Pahayag pa ni Kaufman, ang resulta sang medical evaluation ang mangin kabahin sang ila bag-o nga motion for interim release.
Ginhatagan pagtamod man sang depensa nga padayunon nila ang ila pagtinguha para sa kahilwayan sang anay Presidente sa pihak sang mga nauna nga pagbasura.
