-- ADVERTISEMENT --
Gin-ako sang Department of Economy, Planning, and Development (DEPDev) nga indi malab-ot ang target nga Gross Domestic Product sang pungsod Pilipinas subong nga tuig 2025.
Suno kay Department of Economy, Planning, and Development Secretary Arsenio Balisacan, ang average sang Gross Domestic Product sa una nga tatlo ka quarter sang tuig ang yara lamang sa 5 percent, manubo sa gintalana nga target sang gobyerno.
Pahayag pa niya, ang asud-asud nga kalamidad kasubong sang bagyo kag linog ang nakaapekto man sa nasambit nga target.
Nagalaum man ang natungdan nga kun may yara na sang mapanabat sa anomaly sa flood control, may posibilidad nga liwat nga magtaas ang mga maga-invest sa pungsod Pilipinas.
