Nagpaandam ang Department of Economy, Planning and Development (DEPDev) nga posible maglab-ot sa masobra 7 percent ang inflation sa Pilipinas kun maglala kag magpadayon ang tensyon sa tunga sang Estados Unidos, Israel, kag Iran sa Middle East.
Suno kay Socio economic Planning Secretary Arsenio Balisacan, mahimo ini matabo kun magtaas ang presyo sang krudo sa pangkalibutanon nga merkado.
Ang langis mahimo maglab-ot sa 100 dollar kada bariles saubong nga Marso kag magapabilin sa 80 dollars tubtob sa Mayo.
Mahimo manm ini nga maglab-ot sa 140 dollars kada bariles kag magpabilin nga mataas tubtob sa bulan sang Setyembre.
Bangod sini, ang inflation mahimo nga maglapaw sa target sang gobyerno nga 2% tubtob 4%, bangud sang pagtaas sang presyo sang gatong, pagkaon, kag iban pa nga mga balaklon.
Mahimo man magtaas ang presyo sang diesel sa P96.76 kada litro kag sa P88.79 kada litro sang gasolina.
Nagpaandam man ang Department of Economy, Planning and Development nga kun may yara sang deployment ban kag repatriation sang mga OFWs sa Middle East, mahimo nga magnubo ang remittances sang masobra P226 billion tubtub P231 billion nga posible makapahinay sang pag-uswag sang ekonomiya sang pungsod subong nga tuig 2026.
