Ginpasalig sang Department of Justice (DOJ) nga may yara sang patas kag balanse nga pag-uyat sa nagapadayon nga paghinun-anon sa mga reklamo sang rape batok sa isa ka two-star General sang Philippine Air Force (PAF).
Suno kay Justice Secretary Jesus Crispin Remulla, dapat mangin tampad, patas, kag wala sang ginapasulabi ang pag-uyat sang mga reklamo, ilabi na nga duha ka mga tinawo sang PAF ang nagareklamo sa isa ka mataas nga opisyal.
Ang mga hitabo nga ila na-eksperyensyahan ang posible nagtuga sang trauma sa mga biktima rason nga nagpasalig ang DOJ nga tutukan ang mga kaso.
Suno sa legal counsel sang mga tagreklamo, napasaka na ang mga kaso apisar nga ginpaidalum na sang Armed Forces of the Philippines (AFP) ang opisyal sa internal investigation
Kasunod sini, gin-anunsyo ni AFP Public Affairs Office Chief Col. Xerxes Trinidad nga yara na sa restrictive custody ang nasambit nga opisyal matapos natukiban sa inisyal nga imbestigasyon ang prima facie evidence agud irekomendar ang court martial proceedings batok sa mga akusado.
Samtang, gin-anunsyo man ni Trinidad nga matapos ma-review ang resulta sang pre-trial investigation, AFP Chief Gen. Romeo Brawner Jr ang pagpatigayon sang court martial proceedings.
