Gin-aprubahan sang Department of Education (DepEd) ang P24, 000 nga annual subsidy para sa mga manunudlo sa pribado nga eskwelahan.
Ini ang nagtaas sang P6,000 halin sa karon nga P18,000 nga salary subsidy para sa mga manunudlo sa pribado nga eskwelahan.
Sugod subong nga school year 2025-2026, ang mga kwalipikado nga manunudlo ang magabaton sang P24,000 nga subsidiya sa idalum sang Teachers’ Salary Subsidy component sang Government Assistance to Students and Teachers in Private Education (GASTPE) nga programa.
Agud makakuha sang subsidiya, ang mga manunudlo dapat lisensyado, may full-time nga kahimtangan sa trabaho sa isa ka pribado nga eskwelahan, kag dapat maghiwat sang mga klase sa Educational Service Contracting (ESC) sa sulod sang tatlo ka oras kada semana.
Ang pagsaka sang subsidiya nagasanto sa pila ka mga prayoridad sa reporma sa edukasyon nga ginbalay ni Presidente Ferdinand Marcos Jr. sa iya ika-apat nga State of the Nation Address.
Suno kay Education Secretary Sonny Angara, ang lihok bilang pagkilala sa kontribusyon sang mga manunudlo sa pribado nga buluthuan bilang importante nga mga kaupod sa sektor sang edukasyon.
Nalakip sa budget proposal sang ahensya para sa masunod nga tuig ang dugang nga subsidy.
