Deportation case ni Shiela Guo, ginalauman nga maresolba na subong nga Oktubre – BI

Ginalauman sang Bureau of Immigration (BI) nga maresolba na ang deportation case batuk kay Shiela Guo subong nga bulan sang Oktubre.

Suno kay BI Board of Special Inquiry (BSI) Chairman Gulberto U. Repizo, sa oras nga mabaton  na sang bureau ang position paper nagikan sa mga abogado ni Sheila, mahimu nga maresolba na nila ang kaso sa sulod sang 15 ka adlaw.

Nauna na nga naghiwat sang clarificatory hearing kaangut sa kaso ni Shiela nga gintambungan  naman sang respondent.

Diri, ginmanduan si Shiela, nga sa subong yara sa kustodiya sang National Bureau of Investigation, nga magsumite sang iya nga position paper.