DFA, ginapanugyanan ang mga Pilipino nga yara sa Syria nga magbiya na

Ginapanugyanan sang Department of Foreign Affairs (DFA) ang mga Pilipino nga yara sa Syria nga magbiya na ang mga ini bangud sang nagalala nga kinagamo sa pungsod.

Suno sa report sang ahensya nga yara sa 703 nga mga Pilipino ang yara sa Syria kag samtang wala pa suno diri naga-istrikto ang nasambit nga pungsod, ginaganyat sang ahensya ang mga Pilipino nga magpadulong sa Philippine embassy sa Damascus para sa mga kinahanglanon nga bulig. 

Ini agud malikawan ang paglala sang katalagman kag numero sang mga posible nga madulaan sang kabuhi sa Syria.

Nakig-angut naman ang DFA sa mga natungdan nga mga ahensya para sa kaluwasan sang mga Pilipino sa amu nga pungsod.

Padayon naman nga gina-monitor sang ahensya ang iban pa nga mga hitabo sa Syria.