Ginpatuman sang Department of Migrant Workers (DMW) ang deployment ban sa mga bag-o nga Filipino hires sa Iran kag Jordan.
Ini sa tunga sang nagapadayon nga tensyon sa Middle East.
Sa isa ka press conference, ginpahayag ni Migrant Workers Sec. Hans Leo Cacdac ang pagdumili sa mga new Filipino hires nga magkadto sa nasambit nga mga pungsod samtang ginapahanugutan ang mga nagapauli nga overseas Filipino workers apang indi pa makabiyahe bangud sirado ang airspace didto.
Nag-isyu man ang DMW sang Advisory No. 19 series of 2025 para sa mga restrictions sa deployment sang mga OFWs sa Israel, Iran, Jordan kag Lebanon.
Nagpanugyan ang tiglikom sa mga OFWs nga magapadulong sa Jordan nga i-postpone ang ila biyahe sa pungsod bangud may common border ini sa Israel. Ang mga ahensya sa pagrekrut ginlaygayan man nga indi magpadala sang bag-o nga mga empleyado sa Jordan sa karon.
Sa Israel, may yara karon sang pagdumili sa pagdeploy halin sang Oktubre 7 nga pag-atake sang Hamas sa Israel sang 2023.
Samtang nagpaandam naman ang tiglikom nga pasabton ang mga recruitment agencies nga indi magsunod sa deployment ban.
