Viral karon online ang tawo sa litrato nga amo si Dr. Pratik Joshi nga nagpuyo sa London sa sulod sang anom ka tuig. Wala sang kakapoy nga nagtrabaho sa pagsaylo sang iya asawa kag mga kabataan halin sa India agud mag-upod sa iya sa London.
Pagkatapos sang mga tinuig nga paghulat para sa nagakaigo nga mga pahanugot, ang damgo natuman gid man.
Duha ka adlaw lang ang nagligad, ang iya asawa, si Dr. Komi Vyas, nag-resign sa iya trabaho agud magsaylo upod sa iya bana kag mga kabataan sa London.
Gin-empake nila ang ila mga bag kag nagpaalam sa ila mga pamilya kag mga abyan sa India.
Kahapon sang aga, Hunyo 12, 2025, ang pamilya sang lima, nga puno sang paglaum kag kasadya, nagsakay sa Air India flight 171 padulong sa London. Nag-selfie sila kag ginpadala sa ila mga himata.
Lipod sa ihibalo sang ila himata, sa amo nga tion, makahalanusbo nga nag-crash ang eroplano nga isa lang ang nakalampuwas.
Sa pila ka tion, ang bug-os nga kabuhi sang mga damgo, gulpiyada lang nga nangin abo.
via Bombo Radyo Iloilo
