Nag-issue sang show cause order ang Department of Energy batuk sa 54 ka mga gasoline stations bangud sa ginaalegar pagpataas sang presyo sang gatong sa tunga sang tension sang Middle East.
Ini ang ginpahayag ni Palace Press Officer Undersecretary Claire Castro.
Ginpaandaman sang Malacañang ang mga nagapamintaha sa sitwasyon nga may yara ini sang salabton sa gobyerno.
“Sa mga tao po hindi po dapat kayo magsamantala. Ang gusto po ng Pangulo ay magtulungan tayo. Kapag kayo po ay nagsamantala, meron po kayong kalalagyan. Kayo po ay madedemanda at maaaring matanggalan pa po kayo ng pagkakataon na kayo ay makapagnegosyo,” suno kay Castro.
Ginpahayag naman ni Department of Energy Sec. Sharon Garin nga magapasaka sila sang kaso sa 54 gasoline stations.
Indi makatawo pahayag ni Garin ang gina-obra sang iban nga gasolinahan sa diin may yara pa sang mga naga-hoard ukon nagatago ang supply kag ini ang paguwaon lang kun magtaas na ang presyo.
