DOH-Capiz, nakabalhag na sang lima nga napatay bangud sa leptospirosis

Lima na ka mga indibidwal ang nabalhag nga napatay sa Capiz bangud sa leptospirosis.

Sa data sang Capiz Provincial Health Office as of August 8, 2026, may yara sang 32 ka mga kaso sang leptospirosis, mas manubo ini kun ipaanggid sa 39 cases nga narekord sang nagligad nga tuig.

Sa interview sang Bombo Radyo kay Joeffrey Espiritu, Public Information Officer sang DOH-Capiz, iya ginpahayag nga subong nga naga-ulan ulan, likawan gid ang paglusong sa baha bangud possible may yara ini sang kontaminasyon sang leptospirosis halin sa ihi sang sapat ilabi sang ilaga.

Suno kay Espiritu, kun kinahanglan gid nga maglusong sa baha, mag-gamit sang botas ukon nagakaigo nga proteksyon sa tiil agud malikawan ang amo nga balatian.