DOH, naglunsyar sang mga bag-o nga ‘guidelines’ angut sa tuman nga init

Nagpaguha ang Department of Health (DOH) , sang mga bag-o nga pagsulundan agud malikawan kag masolusyunan ang mga epekto sang  tuman nga kainit sa ikaayong lawas, kasunod sa mandu ni Presidente Ferdinand Marcos Jr.

Sa bag-o nga guidelines, nga nakasaad sa Department Memorandum No. 2025-0114, ginmanduan sang DOH ang tanan nga mga unit sini, kalakip na ang mga ospital kag health facilities nga ginpamunuan sang mga departamento, kasubong sang ”Bagong Urgent Care” kag ”Ambulatory Services (BUCAS) centers”, nga magpatuman sang strategy batuk sa tuman nga ka-init.

Ginmanduan man ang mga ini nga makig-angut sa mga lokal nga gobyerno pinaagi sang mga programa nga ”PuroKalusugan”, nga ginpakilala sadtong National Health Sector Meeting.