Nagpasa sang dugang nga pangalan sang mga high profile individuals ang Department of Public Works and Highways (DPWH) sa Office of the Ombudsman sa ginaalegar maanomaliya nga flood control projects sa Bulacan kag Davao Occidental.
Suno kay Public Works and Highways Secretary Vince Dizon, natalana nga maghimo sang anunsyo ang Ombudsman angot diri subong nga semana.
Ginpahayag ni Dizon nga nagpasa sila sang manifestations duha ka semana na ang nagligad kag may duha sila ka bag-o nga manifestations nga ginpasa sa Ombudsman.
Magluwas diri, nagaplano ang DPWH nga magpasa sang dugang pa nga manifestation sa Ombudsman subong nga semana angot sa kaso sa Cebu.
Dugang pa ni Dizon, nagapadayon ang DPWH sa pagpakig-angot sa Ombudsman may kaangtanan sa imbestigasyon sa maanomaliya nga flood control projects.
