Driver sang motorsiklo nga nakabunggo sang layaw nga ido, padayon nga ginabulong sa ospital

ROXAS CITY – Padayon nga ginabulong sa ospital ang driver sang motorsiklo nga nakabunggo sang layaw nga ido sa Barangay Cagay, sini nga syudad.

Matandaan nga ginkilala ang biktima kay Danilo Artates, 43-anyos, kag residente sang Barangay Dayao, Roxas City.

Sandig sa imbestigasyon sang mga katapo sang Roxas City PNP, nga padulong sa City proper ang biktima sakay sa ginamaneho nga Kawasaki Bajaj nga motorsiklo, sang hinali nga may nagtabok nga layaw nga ido, rason nga natumba ini kag nag-angkon sang kapilasan sa magkatuhay nga parte sang iya lawas.

Ginpadangat ini sang mga katapo sang Roxas City Emergency Response Team (RCERT) sa Roxas Memorial Provincial Hospital (RMPH) para sa pagbulong.