Driver sang van dakop, matapos ginapahayag nagakarga sang mga troso nga wala sang nagakaigo nga permit sa banwa sang Sigma

SIGMA CAPIZ – Dakop sa akto ang isa ka driver sang van matapos ginapahayag nagakarga sang mga troso nga wala sang nagakaigo nga permit sa Barangay Parian, Sigma, Capiz.

Ginkilala ang driver sang van kay alyas “Dante”, 42-anyos, kag residente sang Zone 2 Manoc Manoc, Malay, Aklan.

Sandig sa impormasyon nga nagikan sa Sigma Municipal Police Station, ginapahayag nga personal nga nagpadulong sa ila istasyon ang isa sa mga katapo sang Municipal Environment & Natural Resources (MENRO) Sigma agud ipabalhag nga may yara sang nagakarga sang mga troso sakay sa isa ka van.

Bangud sini, gilayon nga nagpadulong sa lugar ang mga otoridad kag diri dakop sa akto ang isa close van nagaduag puti nga ginamaneho sang nasambit nga indibidwal nga may karga mga troso.

 Mahibaluan nga wala sang nagakaigo nga permit nga ginpakita ang amu nga driver sang van.

 Sa karun, yara na ini sa kustodiya sang Sigma MPS para sa nagakaigo nga disposisyon.