Magahatag sang psychological aid ang Department of Social Welfare and Development (DSWD) sa mga Pinoy nga naluwas sang Department of Migrant Workers (DMW) gikan sa pagpang-abuso sa Myanmar.
Ini ang ginpasalig ni DSWD Secretary Rex Gatchalian nga maghatag sang bulig sa ila rehabilitasyon kag reintegration sa ila pamilya kag bisan sa mismo nga komunidad.
Suno kay Gatchalian, nagabuligay sila sa Department of Health (DOH) sa mga psychological interventions nga pagahimuon sang ila ahensya para sa mga biktima agud masiguro nga mangin tayuyon ang proseso sang sini nga inisyatibo.
Suno sa tiglikom, mayor nga tinutuyo sang ila ahensya amo nga mapabalik ang mga biktima sa ila pamilya kag mangin aktibo sila liwat sa ila komunidad kadungan sang pagbaton sang nagakaigo nga serbisyo kag benepisyo nga ginatanyag sang DSWD para sa ila.
Samtang, siguraduhon man suno sa iya sang ila mga social workers nga maintindihan nila ang ila indibidwal nga mga kaso agud masiguro nga mapaguwa nila ang ila mga inagihan agud malikawan ang emotional scarring kag mental issues.
