Gin-aprubahan na sang Department of Budget and Management (DBM) ang 4,000 dugang nga posisyon sa Philippine Coast Guard (PCG).
Ang nilibo nga bag-o nga posisyon ang ginakabug-usan sang 819 PCG officers kag 3,181 non-officers.
Bangud sa dugang nga apat ka libo nga bag-o nga posisyon, may ara na ang PCG sang kabug-usan nga 34,430 personnel kag officials sa karon nga tatlo ka libo.
Siling ni Budget Secretary Amenah Pangandaman nga ang dugang nga mga personnel agud mapabaskog pa ang operational capability sang PCG, sa bulig sang mas madamo nga manpower.
Ginakalakipan ini sang mas maayos nga maritime safety administration, marine environmental protection, maritime security and law enforcement kag maritime search and rescue.
Nagalaum man ang DBM nga ang dugang nga 4,000 personnel sang PCG ang magapabaskog pa sa ginahimo sini nga monitoring kag pagpabilin sang kalinong sa West Philippine Sea (WPS).
Una na nga ginhinyo ang PCG sang dugang nga personnel bilang parte sang 2024 target sini sa idalom sang pito nga tuig nga recruitment plan.
Sa idalom sang nasambit nga plano, ginalauman nga magadangat na sa 37,869 ang kabug-usan nga manpower sang PCG pagsugod sang 2026.
